विद्यार्थी लिएर रारा गएको जिप मुगुमा दुर्घटना, ११ जना घाइते
अनलाइन दर्पण
2024-05-23
बाजुराबाट विद्यार्थी बोकेर रारा तालतर्फ गइरहेको जीप मुगुमा दुर्घटनामा परेको छ । मुगुको खत्याड गाउँपालिका-२ को शेरीजाम भन्ने ठाउँमा ग १ ज ८२४९ नम्बरको जीप दुर्घटनामा परेकाे हाे ।
बाजुराको कोल्टीस्थित जनप्रकाश माध्यमिक विद्यालयका विद्यार्थी शैक्षिक भ्रमणका लागि उक्त जिपमा रारातर्फ गइरहेका थिए ।
जीपमा सवार ११ जना विद्यार्थी घाइते भएका छन् ।
उनीहरूलाई उपचारका लागि रातापानी प्राथमिक स्वास्थ चौकी लगिएको छ ।
