गाँउले केटो
एउटा पलाएनवादी
एउटा विध्धार्थी
हरियो पासपोर्ट च्यापेर
विश्व बजारमा
तेस्रो देशको नागरिक
अराजक छु साथी
जरूर अराजक
नित्शे, फ्रायड र मार्क्सको
पाखे समर्थक हूँ म
मलाई दु:ख मन पर्छ
किनकि
जीवन र मरण दुवै देखेको छु
भोगेको पनि छु
तर कहिल्यै
मातृबलत्कार सहन सिकिनँ
म आमालाई माया गर्छु
कुडिएको मेरी आमाको मन
मलाई राम्रो हेक्का छ
तर म आमालाई
बजारको पुतली बन्न नदिने छोरो हुँ
भीडबाट गलहत्याईको प्रदेशी हुँ
तर
मेरो देशको मलाई माया लाग्छ
त्यसैले
अन्याय कहिल्यै सहन्न !
- लोकनाथ अधिकारी