दुधको मुल्य बढ्यो
अनलाइन दर्पण
2017-08-17
काठमाडौं, १ भदौ । दुग्ध विकास संस्थानले दूध र दुग्ध पदार्थको मुल्य बढाएको छ । दुधको मुल्य प्रतिलिटर ६ रुपैयाँ बढेको संस्थानले जनाएको छ । बढेको मूल्यको चार रुपैयाँ १६ पैसा किसानले दूध बिक्री गर्दा पाउने बताईएको छ ।
संस्थानले मूल्य बढाएसँगै अब उपभोक्ताले भने दुधको मुल्य प्रतिलिटर ७० रुपैयाँ तिर्नुपर्नेछ । संस्थानले तीन वर्षपछि दूधको मूल्य समायोजन गरेको हो । मुल्य बढेसँगै अब एक लिटर दूधको ४५ रुपैयाँ पाइरहेका किसानले ५१ रुपैयाँ पाउनेछन् ।
घिउ र पनिरको मूल्य प्रतिकिलो एक सय रुपैयाँ बढेको छ । घिउको मूल्य प्रतिकिलो आठ सय रुपैयाँ थियो । मिठाइको मूल्य १२ देखि १५ प्रतिशत बढेको छ ।
