होटलमा ग्यास लिक हुदा आगोलागी
अनलाइन दर्पण
2017-08-15
बनेपा, ३१ साउन । काभ्रेको बनेपा तिनदोबाटो स्थित करुणा मार्गमा एक होटेलमा आगलागी हुँदा ६ वटा पसलमा क्षति पुगेको छ । मंगलबार विहान १० बजे ईन्द्रीणी मःम होटलबाट शुरु भएको अगलागीले अन्य पाँच होटल तथा पसलमा क्षति पुगेको जिल्ला प्रहरी कार्यालय बनेपाले जानकारी दिएको छ ।
ईलाका प्रहरी कार्यालय बनेपाका इञ्चार्ज अनिल घिमिरेका अनुसार आगलागीबाट न्यू फ्रेडसिप टेलरिङ्ग सेन्टर, भीमेश्वर सर्टिङ्ग सुटिङ सेन्टर र एउटा कस्मेटिक पसल लगायत अन्य ३ वटा होटलमा सामान्य क्षति पुगेको छ ।
आगो नियन्त्रणका लागि बनेपा नगरपालिका र धुलिखेल नगरपालिकाको मिनि दमकल र भक्तपुरबाट जुद्धवारुण यन्त्र झिकाएर झिकाइएको थियो । प्रहरी र स्थानीयको प्रयासमा आगो नियन्त्रण गरिएको थियो ।
