पहिलो सागरमाथा आरोही महिला जुनको तावेईको निधन
अनलाइन दर्पण
2016-10-22
काठमाडौं, ६ कात्तिक। पहिलो महिला सागरमाथा आरोही जुनको तावेईको निधन भएको छ । ७७ वर्षको उमेरमा जापानमा उनको निधन भएको हो ।
जापानको सरकारी सञ्चार माध्यम एनएचकेका अनुसार साइटामा क्यान्सर सेन्टरमा उपचारको क्रममा निधन भएको हो । उनलाई चार वर्षअघि क्यान्सर भएको पत्ता लागेको थियो ।
जापानको फुकुसिमामा जन्मिएकी तावेईले सन् १९७५ मा सर्वोच्च शिखर सगरमाथाको चुचुरोमा पाइला टेकेकी थिइन् । उनले २० दिनमा सगरमाथाको सफल आरोहण गरेकी थिइन् र पहिलो पहिलो महिला सागरमाथा आरोही बनिन् ।
