घरभाडा नतिरेको भन्दै पूर्वराष्ट्रपतिकाे अपमान ! घरबेटीले निकाले १५ दिने नोटिश
काठमाडौं, २० कात्तिक । आवासको भाडा नतिरेको भन्दै पूर्वराष्ट्रपति डा. रामवरण यादवकाे सार्वजनिक बेइज्यती भएको छ । सरकारले गत साउन महिनादेखि पूर्वराष्ट्रपति यादवकाे आवासको भाडा नतिरेको भन्दै घरबेटीले १५ दिनभित्र घर खाली गरिदिन सोमबार एक पत्रिकामा सूचना जारी गरेका छन् ।
घरबेटी रविभक्त विष्टले सोमबार एउटा राष्ट्रिय दैनिक पत्रिकाको पाँचौं पृष्ठमा घर खाली गर्नेबारे सूचना जारी गर्दै पूर्वराष्ट्रपतिलाई १५ दिनभित्र भाडा तिरेर घर खाली गरिदिन भनेका छन् । ललितपुर- ४ स्थित बागडोलस्थित विष्टको घरमा भाडामा बस्दै आएका पूर्वराष्ट्रपति यादवको आवासको भाडा सरकारले तिर्दै आएको थियो ।
घरबेटी विष्टले प्रकाशित गरेको सूचनामा सूचना प्रकाशित भएको मितिले १५ दिनभित्र घर कम्पाउण्ड पूर्ववत अवस्थामा खाली गरी २०७४/४/१ देखि खाली गर्दासम्मको घरबहाल तथा विजुलीको बिल वमोजिमको रकम उपलब्ध गराउन अनुरोध गरिएकाे छ । अन्यथा कानून बमोजित भर्इ जाने व्यहोरा सादर अनुरोध छ ।’
हेर्नुहोस् सूचना
