नवलपरासीमा पुजारीको हत्याको अभियोगमा भारतीय नागरिक पक्राउ
अंगद यादव/ नवलपरासी पश्चिम, ३० कार्तिक l नवलपरासी पश्चिममा पुजारीको हत्याको अभियोगमा एक जना भारतीय नागरिक पक्राउ परेका छन ।
शुक्रवार उक्त घटना अनुसंधानको क्रममा प्रतापपुर गाउँपालिका वडा नं.-६ कठहवा स्थित भारतको जिल्ला महराजगंज थाना निचलौल पोष्ट औराटार ग्राम कबेलवा महेशपुर बस्ने २१ बर्षिय धनन्जय मौर्यलाई प्रहरीले पक्राउ गरेको छ ।
घटनामा संलग्न अभियुक्तको मृतकको छोरीबाट सनाखत भएको र मौर्यले निज पुजारीको हत्या आफु स्वयंले हत्या गरेको मौखिक बयान बाट खुल्न आएको हुदाँ धनन्जय मौर्यलाई सम्मानित अदालतबाट म्याद थप गरिने तयारी भईरहेको जिल्ला प्रहरी कार्यालय नवलपरासी पश्चिमले जनाएको छ ।
यहि कार्तिक ९ गते सुस्ता गाउँपालिका वडा नं.-४ नर्सही (पश्चिम टाँडी) स्थित हनुमान मन्दिर बस्ने ७२ बर्षिय पुजारी मुहँगु केवटको घरेलु हतियार हसियाले हत्या भएको थियो ।
एसपी अजय केसी र इलाका प्रहरी कार्यालय बेलाटारीका इन्सपेक्टर खुमानन्द पाण्डेयको विशेष पहलमा पुजारीको हत्यारालाई पक्राउ गर्न सफल भएको बुझिएको छ ।
