अत्यधिक चिसोका कारण पानीको धारामा बरफ जम्न थाल्यो
अनलाइन दर्पण
2020-11-08
कात्तिक महिनाको दोस्रो सातादेखि चिसो बढ्न थालेपछि हुम्लामा चिसोले पानीको धारामा बरफ जम्न थालेको छ । रातिको समयमा अत्यधिक चिसो हुने भएकाले धारामा बिहानको समयमा बरफ जम्न थालेको छ ।
बाल्टिनलगायत अन्य सामग्रीमा जम्मा गरेर राखेको पानीसमेत जमेर बरफ हुनथालेको छ । यहाँको तापक्रम माइनसमा झरेकाले खानेपानीका धारामै बरफ जमेको छ ।
पुस र माघ दुई महिना हुम्लामा अतधिक हिमपात हुनुका साथै तापक्रम माइनस १५ डिग्रीभन्दा बढी हुने गर्दछ । तापक्रम माइनसमा झरेसँगै चिसो बढेकाले पानीका धारामै बरफ जम्न थालेको हो ।
