भक्तपुरमा सुनको सिक्री लुटेर फरार
अनलाइन दर्पण
2020-11-08
भक्तपुर, २४ कार्तिक । भक्तपुरमा एक व्यक्तिकाे एक तोलाको सुनको सिक्री लुटपाट भएको छ । आइतबार दिउँसो सूर्यविनायक नगरपालिका-६ बस्ने म्याग्दी जामरुकोट घर भएका ३० वर्षीय पुरुषको १ तोला सुनको सिक्री लुटपाट भएको प्रहरीले जनाएको छ ।
नम्बर नखुलेको मोटरसाइकलमा आएका २ जना अपरिचित व्यक्तिहरुले उक्त सिक्री लुटपाट गरेको बताइएको छ । लुटपाटमा संलग्न व्यक्तिहरुको प्रहरीले खोजी गर्नुका साथै यस सम्बन्धमा थप अनुसन्धान गरिरहेको प्रहरीले जनाएको छ ।
