काभ्रेमा यात्रुवाहक बस दुर्घटना, २८ जना घाइते
अनलाइन दर्पण
2018-07-25
काभ्रे, १० साउन। भकुन्डेबाट बनेपातर्फ आउँदै गरेको यात्रुवाहक बस बिहीबार बिहान धुलिखेल नगरपालिका ६ बेइजिङ प्लान्ट नजिकै दुर्घटना हुँदा २८ जना घाइते भएका छन्।
घाइते मध्ये १ जनाको अवस्था गम्भीर छ।
हिमाल–तराई यातायातको बा ३ ख ८१५५ नम्बरको बस अनियन्त्रित भइ सडकबाट सडकबाट करिब ३० मिटर तल खोल्सामा खसेको जिल्ला प्रहरी कार्यालय काभ्रेले जनाएको छ ।
घाइते अधिकांश कलेज पढ्ने विद्यार्थी छन्। कलेज पढ्ने छात्रछात्रासहित ३३ जना यात्रु बसमा सवार थिए। घाइतेहरूको धुलिखेल अस्पतालमा उपचार भइरहेको छ।
