भारतले मात्र हाेइन चीनले पनि मिच्यो नेपाली भूमी
काठमाडौँ । भारतले नेपालको तराइ क्षेत्रमा बेला बखतमा सिमा मिच्दै आइरहेको थियो तर अहिले आएर नेपालीहरुले असल छिमेकीको रुपमा हेरेको चीनले पनि सीमा मिचेको छ ।
उत्तरतिरका केही स्थानमा चीनसँगको सीमा विवाद अझैसम्म पनि टुंगो लागेको छैन । दोक्लामबारे चीनले नेपाललाई नसोधेर गरेको निर्णय विवादमै छ । दोलखा र सगरमाथामा चीनले सीमा मिचेको छ ।
दोलखामा मात्र चीनले करिब ९ बिघा नेपाली जमिन आफ्नो भएको दाबी गरेको छ । नेपालले अस्वीकार गरेपनि विवादको समाधान हुन सकेको छैन ।
नयाँ पत्रिका लेख्छ, नापी विभागका पूर्वमहानिर्देशक बुद्धिनारायण श्रेष्ठका अनुसार दोलखा लामाबगर गाविसको लेप्चा गाउँस्थित कोर्लाङपारी हिमालको टिप्चा चुलीमा सीमा चिह्न चिनियाँले नेपालतिर सारेपछि उत्पन्न विवाद अझै समाधान भएको छैन ।
सो क्षेत्रमा सीमा चिह्न नम्बर ५७ नेपालतिर सरेको भेटिएको थियो । लामो समय फेला नपरेको सो सीमा चिह्न नेपालतिरको एउटा पहरोमा खोपिएको अवस्थामा ०६२ सालमा भेटिएको थियो ।
त्यसैगरी चीनले सगरमाथाको उचाइ तीन दशमलब १६ मिटर घटी हुनुपर्ने दाबी गरेको छ भने नेपालले साविक उचाइ ८ हजार ८ सय ४८ नै यथावत हुनुपर्ने दाबी गरेको छ ।
सीमाविदहरुका अनुसार चीनसँग १९६१ मा सीमांकन भएको थियो १९६३ मा ब्राउन्डी प्रोटोकलमा हस्ताक्षर भएको थियो । त्यसपछि बाउन्ड्री प्रोटोकल सन १९७९ र १९८८ मा नवीकरण भयो । त्यसयता नवीकरण भएको छैन ।
