एमालेले संविधान संशोधन विधेयककोविरुद्ध संसद अवरुद्ध गर्ने
अनलाइन दर्पण
2016-11-30
काठमाडौं, १५ मंसिर। प्रमुख प्रतिपक्षी दल नेकपा एमालेले संविधान संशोधन विधेयकविरुद्ध भोलि बिहीबारदेखि संसद अवरुद्ध पार्ने भएको छ ।
सरकारले सीमांकन हेरफेरसहित संविधान संशोधन विधेयक दर्ता गरेपछि एमालेले सदन र सडकबाट प्रतिवाद गर्ने बताएको छ ।
केहीबेरअघि सिंहदरबारस्थित एमाले संसदीय दलको कार्यालयमा बसेको बैठकले यस्तो निर्णय गरेको हो। बैठकले संविधान संशोधन विधेयक फिर्ता नहुँदासम्म संसद चल्न नदिने निर्णय गरेको छ ।
अस्वस्थ भएका कारण बैठकमा संसदीय दलका नेता एवं पार्टी अध्यक्ष केपी ओली भने अनुपस्थित थिए ।
एमालेले यसअघि नै स्थायी समिति बैठकबाट संशोधनको विपक्षमा उभिने निर्णय गरिसकेको छ। स्थायी समितिले संशोधनको सडक र सदनबाट प्रतिकार गर्ने निर्णय गरेको थियो।
