सिरहाकाे नवराजपुर गाउँपालिकामा नेपाली काँग्रेस विजयी
अनलाइन दर्पण
2017-09-21
सिरहा, ५ असोज। सिरहाकाे नवराजपुर गाउँपालिकामा नेपाली काँग्रेसका उम्मेदवार विजयी भएका छन । गाउँपालिका अध्यक्षमा नेेपाली काँग्रेसका उम्मेदवार बिश्वमोहन यादवले २३८३ मत प्राप्त गरी विजय हासिल गरेका हुन् । उनका निकटतम प्रतिस्पर्धी संघीय समाजवादी फोरम नेपालका शिव उदगार यादवले २११४ मत ल्याए ।
यस्तै , उपाध्यक्षमा पनि कांग्रेसकै शोभा कुमारी यादवले २३७७ मत प्राप्त गरी विजयी भइन् । उपाध्यक्षमा निकटतम प्रतिस्पर्धी एमालेकी संगिता कुमारी यादवले १९८८ मत ल्याइन् ।
गाउँपालिकाको वडा नं १ मा एमाले, २, ४ र ५ मा काँग्रेस, र ३ मा संघीय समाजवादी फोरमका उम्मेदवा वडाध्यक्षमा विजयी भएका छन् ।
