फेसबुकबाट २१ लाख रुपैयाँ ठगी गर्ने पक्राउ
अनलाइन दर्पण
2017-12-13
काठमाडौं, २७ मंसिर। फेसबुकमार्फत चिनजान गरी विवाह गरेर नातेदारहरुलाई ठगी गर्ने सिन्धुपाल्चोक माङखाका तुलबहादुर तामाङ पक्राउ परेका छन् ।
भक्तपुरको च्याम्हासिंह बस्दै आएका ३३ वर्षीय तामाङले संखुवासभाकी एक युवतीलाई फेसबुकबाट साथी बनाइ सम्पर्क बढाएर विवाह गरी आफन्तलाई यूएस आर्मीमा जागिर लगाइदिन्छु भन्दै २१ लाख रुपैयाँ ठगी गरेका थिए ।
आइएमईमार्फत रकम पाएपछि उनी श्रीमति र आफन्तबाट सम्पर्कबिहीन भएका थिए ।
उनीमाथि मुलुकी ऐनको ठगी महल बमोजिम अनुसन्धान भइरहेको महानगरीय अपराध महाशाखा, टेकुले जनाएको छ ।
