अब १३ स्थानको मात्र मतपरिणाम आउन बाँकी, कसले कति सिट जिते ?
अनलाइन दर्पण
2017-12-11
काठमाडौं । प्रतिनिधिसभाको प्रत्यक्षतर्फ १ सय ६५ निर्वाचन क्षेत्रमध्ये १५२ स्थानको अन्तिम मतपरिणाम सार्वजनिक भएको छ ।
घोषित क्षेत्रको मत परिणाममध्ये अधिकांश स्थानमा वाम गठबन्धनका उम्मेदवार विजयी भएका छन् । वाम गठबन्धनको प्रमुख घटक नेकपा एमालेले ७५ स्थानमा जित हासिल गरेको छ ।
त्यसैगरी वाम गठबन्धनकै अर्को दल नेकपा माओवादी केन्द्रले ३२ स्थानमा जित हासिल गरेको छ ।
नेपाली कांग्रेसले २१ स्थानमा जित हात पार्दा राष्ट्रिय जनता पार्टीले १० र संघीय समाजवादी फोरमले१० स्थानमा जितेका छन् ।
राष्ट्रिय प्रजातन्त्र पार्टी, राष्ट्रिय जनमोर्चा र नयाँ शक्ति पार्टी, नेमकिपा का उम्मेदवार एक÷एक स्थानमा विजयी हुँदा ३ जना भने स्वतन्त्र उम्मेदवार विजयी भएका छन् ।
