शिक्षा र स्वास्थ्य क्षेत्रको विकासको बिचमा मतभेद छैन:- मन्त्री त्रिपाठी

अंगद यादव/ नवलपरासी पश्चिम १४ फागुन ।  सङ्घीय मामीला तथा सामान्य प्रशासन मन्त्री हृदेयश त्रिपाठीले शिक्षा र स्वास्थ्य क्षेत्रको विकासको बिचमा नेपालका राजनीतिक दलहरुबीच कुनै मतभेद नरहेको नवलपरासी पश्चिमको दिव्यज्योति माध्यमिक विद्यालय बर्दघाट नगरपालिका-२ चिसापानीको ४३औ वार्षिकोत्सव तथा अभिभावक दिवस समारोहलाई शुभकामना दिदै बताउनु भएको थियो । संविधानले नै स्पष्ट गरेको छ कि निजि क्षेत्र सामुदायिक क्षेत्र निजि लगानी र राज्यको लगानीमा शिक्षालाई अगाडी बढाइने त्यसको प्रयोग भइरहेको छ यसमा हरेक दलहरु क्रियाशील रहि एउटै मत छ ।

संबैधानिक व्यवस्था भइसकेको अवस्थामा दलहरुको बिचमा विवाद नरहेको हुनाले त्यसता विषय शिक्षा स्वास्थ रहेको साथै अव राज्य सत्ता क्रमस परिवर्तनको बाटोमा हिँडेको बताउनुभयो । दिव्यज्योति माध्यमिक विद्यालय चिसापानिलाई आगामि आर्थिक वर्षमा स्कुल बस उपलब्ध गराउने प्रतिबद्धता गर्नुभयो र बर्दघाट नगरपालिकामा ट्रामा सेन्टर सहितको अस्पतालका लागि सहयोग गर्ने मन्त्री त्रिपाठीले बताउनु भएको थियो ।

कक्षा १० मा अध्ययनरत विद्यार्थीहरुले आफ्नो जन्मदिवसको अवसरमा खर्च गरिने पैसालाई संकलन गरि विद्यालयका गरिब तथा विपन्न वर्गका प्रावि तहका १५ जना विद्यार्थीहरुलाई झोला लागएत शैक्षिक समाग्री वितरण गरेका थिए ।

कार्यक्रममा प्रदेश सांसद अजय बहादुर शाही, संविधान सभा सदस्य सिन्धु जलेसा, बर्दघाट नगरपालिकाका नगर उप प्रमुख माया देवि पौडेल,दिब्य ज्योती बहुमुखि क्याम्पसका अध्यक्ष वृहस्पति अधिकारी,विद्यालयका सल्लाहकार सदानन्द पाण्डे ,यम बहादुर थापा,कमल परियार,अक्षकोषदाता कृष्ण पाण्डे,बर्दघाट नगरपालिका वडा नं. २ का वडाध्यक्ष दया दर्लामी,दाउन्ने देवि माविका प्र.अ. चिरन्जीवि खनाल, लगाएतले आ आफ्ना भनाईहरु राख्नु भएको थियो ।

कार्यक्रममा विद्यालयका प्रधानाध्यापक हुमनाथ आचार्यले विद्यालयको बर्तमान अवस्था र आर्थिक गतिविधि समेटिएको प्रतिवेदन प्रस्तुत गर्नुभएको थियो भने सोही अवसरमा विद्यालयको दिब्यज्योति बुलेटीनको समेत लोकार्पण गरीएको थियो ।

संघिय सरकारका संघिय मामिला तथा सामान्य प्रशासन मन्त्री हृदयेश त्रिपाठीले मंगलवार नवलपरासी पश्चिमको बर्दघाट–२ चिसापानीमा रहेको चिसापानी अस्पतालको निरिक्षण गर्नु भएको थियो । मन्त्री त्रिपाठीलाई संविधान सभा सदस्य सिन्धु जलेसा नेतृत्वको टोलीले अस्पतालको नरिक्षण गराएको थियो । नरिक्षणको क्रममा संविधान सभा सदस्य सिन्धु जलेसाले अस्पतालको लगि जग्गा उपलब्ध गर्ने व्यवस्था मिलाई दिन मन्त्री त्रिपाठी संग आग्रह गर्नु भएको थियो । अस्पतालको प्रशासनिक कक्षमा भएको छलफलका क्रममा मन्त्री त्रिपाठीलाई संविधान सभा सदस्य सिन्धु जलेसाले आग्रह गर्नु भएको थियो ।