देउती गुट्खा उद्योगमा बम बिस्फोट
अनलाइन दर्पण
2018-08-08
कैलाली, २४ साउन । कैलालीको लम्कीचुहा नगरपालिका–१ लम्कीमा रहेको देउती गुट्खा उद्योगमा अज्ञात समूहले बिहीबार बिहान बम विष्फोट गराएको छ । बिहान ४ बजेर ५२ मिनेटमा देउती गुट्खा उद्योगको गेट बाहिर बम विष्फोट भएको हो । ठुलो आवाजमा विस्फोट भएपछि स्थानीय त्रसित भएका थिए ।
विष्फोटबाट उद्योगको पर्खाल र छानामा सामान्य क्षति भएको छ ।
इलाका प्रहरी कार्यालय लम्कीका प्रमुख प्रहरी निरीक्षक सुरेन्द्र जोशीले कसले विष्फोट गराएको हो भन्नेबारे अनुसन्धान भइरहेको जनाए ।
सोही उद्योगलाई लक्षित गरी राखेको अवस्थामा साउन २ गते दुईवटा बम फेला परेको थियो ।
