मुस्ताङमा टिप्पर दुर्घटना, १५ जनाको मृत्यु, पाँचको अवस्था गम्भीर
मुस्ताङमा सडक मजदुर बोकेको ट्रक दुर्घटना हुँदा १५ जनाको मृत्यु भएको छ । उपल्लो मुस्ताङको भेना भीरदेखि जैतुसम्मको सडक निर्माणको काम गरिरहेका मजुरलाई बोकेको टिप्पर दुर्घटनामा परेको हो ।
स्यांङबोचे भन्ने स्थानमा खाना खान आएका मजुरलाई बा २ ख २२१९ नम्बरको टिप्परले लिएर जाने क्रममा दुर्घटनामा परेको मुस्ताङका प्रमुख जिल्ला अधिकारी शिशिर पौडेलले जानकारी दिए ।
करिब दुई बजेतिर खाना खाएर काममा फर्कन लागेका मजुर बोकेको टिप्पर सडकबाट ५० ६० मिटर तल खसेको छ, प्रमुख जिल्ला अधिकारी पौडेलले भने,‘१५ जनाको मृत्यु भएको र १२ जना घाइते भएका खबर मलाई आएको छ ।’
काठमाडौं र पोखराबाट घाइतेको उद्दारका लागि हेलिकप्टर आउन लागेको पौडेलले जानकारी दिए ।
उपल्लो मुस्ताङको भेना भीरदेखि जैतुसम्मको सडक निर्माणमा काम गरिरहेका मजदुर बोकेको ट्रिपर घनीमा दुर्घटना भएको प्रहरी नायव उपरीक्षक ९डीएसपी० महेन्द्र खड्काले बताए ।
‘घटनाको विस्तृत विवरण आएको छैन, फोन सम्पर्क भइरहेको छैन,’ उनले भने, ‘उद्दारका लागि काठमाडौंबाट हेलिकोप्टर आउँदैछ ।’ ट्रिपर दुर्घटनामा धेरै मजदुर घाइते भएको प्रारम्भिक जानकारी मिलेको छ । घटनास्थल मुस्ताङ जिल्ला सदरमुकामबाट करीब ५० किलोमिटर टाढा पर्छ ।
