उदयपुरको नेपालटारमा भिषण अागाेले १२ घर जले, वृद्धा बेपत्ता
चित्रकुमार कार्की उदयपुर , चैत २५,। उदयपुरगढी गाउँपालिका ६ नेपालटारमा शनिबार राति आगलागी हुँदा १२ घर जलेर भएका छन् भने एक वृद्धा बेपत्ता भएकी हुन ।
बजारमा रहेका १२ घर जल्दा छ करोड रुपैयाँको क्षति भएको प्रहरीको प्राम्भिक अनुमान छ। आगलागीमा परी ७० वर्षीया बाटीमाया तामाङ बेपत्ता भएका छन् ।
जिल्ला प्रहरी कार्यालय उदयपुरका प्रहरी प्रमुख एसपी नवराज भट्टका अनुसार नेपालटार बस्ने नारायण तामाङका दुई वटा, टंक श्रेष्ठ, भरत कार्की, वीरबहादु तामाङ, तीलकुमारी दाहाल, निर्मला बिक, लवराज कार्की, तिकमान तामाङ, रमेश खतिवडाको घर जलेर नष्ट भएको छ।
एक घर परिवारको नाम खुलेको छैन। राति ११ बजे नारायण तामाङको घरमा धामी राख्दा आगो लागेको प्रहरीले अनुमान गरेको छ। आगलागी गाईघाट र कटारी रहेका दमकल, नेपाल प्रहरी र स्थानीयको सहयोगमा आगो नियन्त्रणमा आएको थियो।
