चट्यांग लागेर नवलपरासीमा गाउपालिका सदस्य सहित एकै परिवारका तीन घाइते
अंगद यादव /नवलपरासी पश्चिम २० बैशाख ।
नवलपरासी पश्चिमीमा शुक्रबार बिहान आएको हावाहुरी र चट्यांगमा परि बुवा आमा र छोरा गरी तीन जना घाइते भएका छन् ।
प्रतापपुर गाउँपालिका वडा नं.-६ कठहवा बस्ने ६० वर्षको गोबरी मिया, ५५ वर्षकी हदिसुन नेशा र २५ वर्षको छोरा भुलई मिया गरी तीन जना घाइते भएका छन ।
घर नजिकै रहेको उखु खेतमा ट्रेक्टर ट्रालीमा उखु लोड गरिरहेको बेला हावाहुरी संगै पानी परेको समय ट्रालीको तल बसेको बेला चट्यांग परेको र एकै परिवारका तीन गम्भीर घाइते भएका छन भन्ने घटना स्थलमा बाख्रा समेत मरेको गूठि प्रसौनीका प्रहरीका इन्चार्ज घनश्याम रिमालले जानकारी गराएका छन ।
घाइते मध्ये हदिसुन नेशा गम्भीर घाइते रहेको र उनी प्रतापपुर गाउँपालिकाको सदस्य समेत रहेको रिमालले जानकारी गराउनु भएको छ ।
उनीहरूकाे उपचार भारतको उत्तर प्रदेशको निचलौमा भइरहेको छ ।
