भक्तपुर १ पुस । मंसिर २९ गते देखि काठमाण्डौको सिनामंगल स्थित ब्रिजवाटर इन्टरनेशनल कलेजले आयोजना गरेको ब्रिजवाटर कप -२०१९ को आज भएको तेश्रो दिनको पहिलो खेलमा गोल्डेनगेट इन्टरनेशनल कलेजले व्हाइट हाउस कलेज लाइ ३-१ ले पराजित गरेको छ, साथै उक्त खेलमा म्यान अफ दि म्याच गोल्डेनगेटका सौगात मल्लले हात पार्न सफल भए ।
आजै भएको दोस्रो खेलमा क्याम्पियन कलेजले श्री सिद्धि मंगल कलेजलाई ५-१ ले जित हासिल गरेको छ भने उक्त खेलमा म्यान अफ दि म्याच क्याम्पियन कलेजका रोनिस प्रजापति ले हात परेका छन् !
त्यसै गरि आजै भएको अन्तिम खेल सैनिक आवासीय महाविद्यालय र बानेश्वर क्याम्पस बीच भएको खेलमा सैनिकले बानेश्वर क्याम्पसलाई ५-० ले हराउदै म्यान अफ दि म्याच पनि सैनिककै कमल गुरुङ ले हात पार्न सफल भए ।
भोलि मिति २०७६/०९/०२ गते तीन खेलहरु आदर्श जनप्रेमी र श्रमिक शान्ति, न्यु मेलिनिअम र कौस्तुव एकेडेमी तथा सैपाल एकेडेमी र भिमेसोर एकेडेमी बीच हुनेछ।